Տաթև համայնքի ղեկավար պարոն Ս. Լալայանի շնորհավորանքը՝ Կանանց միջազգային օրվա առթիվ
Սիրելի՛ կանայք, մայրեր, քույրեր և աղջիկներ,
Սրտանց ու ջերմորեն շնորհավորում եմ ձեզ՝ Կանանց միջազգային օրվա առթիվ:
Գարնան սկիզբն ավետող այս գեղեցիկ տոնը ձեր դերի և կարևորության մասին խոսելու ամենագեղեցիկ առիթներից է։ Դուք եք մեր սերունդների առաջին դաստիարակներն ու խորհրդատուները, ընտանիքների ամրության և աներեր հիմքի երաշխավորները։ Սա մեծարման տոն է, հրաշալի առիթ՝ գովաբանելու հայ կնոջ համեստությունը, առաքինի պահելաձևը, խոհեմությունը, հոգատարությունն ու իմաստությունը, անմնացորդ նվիրումը հայրենիքին և հայ օջախին։
Թող իրականություն դառնան ձեր սրտերի ամենանվիրական ցանկությունները։
Եղե՛ք ուժեղ, միշտ ժպտացեք և բարձր պահեք հայ կին լինելու ձեր արժեքներն ու արժանիքները։ Սիրե՛ք և ձեր սեդունդների մեջ արմատավորեք սերը դեպի կրթությունը, քանզի «Կրթված կանայք ցանկացած հասարակության համար գանձ են»։
Բոլորիդ մաղթում եմ ծաղկաշատ և խաղաղաբեր գարնանային օրեր։
