Գորիս քաղաքի պատվիրակությունը ներկայումս գտնվում է Լեհաստանում՝ ուսումնասիրելու աղբի վերամշակման և կառավարման առաջադեմ փորձը: Լեհ գործընկերների ուղեկցությամբ մեր ներկայացուցիչները այցելում են տարբեր կառույցներ՝ ծանոթանալու աղբի վերամշակման ոլորտի նորարարական լուծումներին:
Այս այցը մաս է կազմում Գորիսում նախատեսվող նոր նախաձեռնության, որը միտված է բարելավելու քաղաքի աղբի կառավարման համակարգը: Պատվիրակությունը ուսումնասիրում է Լեհաստանի քաղաքների փորձը, տեխնոլոգիական լուծումները և կառավարման մոդելները, որոնք հետագայում կարող են ներդրվել Գորիսում:
Նախագծի հաջող իրականացման դեպքում Գորիսը հնարավորություն կունենա դառնալու առաջատար և օրինակելի քաղաք Հայաստանում՝ աղբի վերամշակման և տեսակավորման ոլորտում: Սա կարող է էապես բարելավել քաղաքի էկոլոգիական վիճակը, ստեղծել նոր աշխատատեղեր և նպաստել կայուն զարգացմանը:
Այցի ավարտից հետո նախատեսվում է մշակել կոնկրետ առաջարկներ Գորիսում աղբի կառավարման նոր համակարգի ներդրման վերաբերյալ:
