ՀԱՅՏԱՐԱՐՈՒԹՅՈՒՆ
Գորիս համայնքում մեկնարկել է մասնակցային բյուջետավորման 2025 թվականի գործընթացը
Գորիս համայնքի հարգելի’ բնակիչներ,
Գորիս համայնքի ավագանու 2025 թվականի հուլիսի 24-ի թիվ 100-Ա որոշմամբ համայնքում մեկնարկել է 2025 թվականի մասնակցային բյուջետավորման գործընթացը։
Գործընթացի կազմակերպման համար համայնքի ղեկավարի՝ 2025 թվականի նոյեմբերի 13-ի թիվ 865-Ա որոշմամբ ստեղծվել է հանձնաժողով և հաստատվել է միջոցառումների իրականացման ժամանակացույցը։
Ի՞նչ է մասնակցային բյուջետավորումը․
Սա մի հնարավորություն է, որի միջոցով յուրաքանչյուր 16 տարին լրացած բնակիչ կարող է ներկայացնել իր առաջարկը կամ գաղափարը՝ այն հարցի կամ խնդրի մասին, որը, իր կարծիքով, կարող է լուծել համայնքը։
Օրինակ՝ առաջարկել փողոցի բարեկարգում, խաղահրապարակի կամ լուսավորության համակարգի տեղադրում և այլն։
Համայնքը կուսումնասիրի բոլոր առաջարկները, և ընտրված լավագույն գաղափարներն կներառվեն համայնքային բյուջեում։
Ինչպես ներկայացնել Ձեր առաջարկը․
Էլեկտրոնային տարբերակով՝ ուղարկելով Գորիս համայնքի պաշտոնական էլ. փոստին՝ gorismunicipality@gmail.com
,
Կամ թղթային տարբերակով՝ ներկայացնելով Գորիսի համայնքապետարան կամ Ձեր բնակավայրի վարչական նստավայր։
Հայտերն ընդունվում են մինչև ս/թ նոյեմբերի 27֊ը։
Միացե՛ք համայնքի զարգացման գործին՝ ձեր գաղափարներով ու նախաձեռնություններով։
