106 Views
Այս օրերին Գորիսի նախակրթարաններում տիրում է աշնանային վառ ու ջերմ տրամադրություն։ Բնության ոսկեզօծ գույներն ու առատ բերքը իրենց արտացոլումն էին գտել նաև Գորիսի թիվ 2 մանկապարտեզում, որտեղ կազմակերպվել էր գեղեցիկ աշնանային հանդես։
Մանկապարտեզի դահլիճը վերածվել էր իսկական հեքիաթային անկյունի՝ զարդարված գունեղ տերևներով, աշնանային մրգերով ու բանջարեղենով լի զամբյուղներով։ Սաները ներկայացան յուրօրինակ կատարումներով՝ երգերով, պարերով և բանաստեղծություններով գովերգելով «Ոսկե աշունը»։ Նրանց ոգևորությունն ու անմիջականությունը տոնական շունչ էին հաղորդել միջոցառմանը՝ ջերմացնելով ներկաներին։
