ՀԱՄԱՅՆՔ-ԴՊՐՈՑ ՀԵՐԹԱԿԱՆ ՀԱՄԱԳՈՐԾԱԿՑՈՒԹՅՈՒՆ
Գորիսի թիվ 2 հիմնական դպրոցի մի խումբ սովորողներ համադպրոցական բնապահպանական ծրագրի շրջանակում հանդիպեցին Գորիսի համայնքապետ Arush Arushanyan/ Առուշ Առուշանյանի հետ, ներկայացրին նախագծի բովանդակային և գործնական կողմերը, խոսեցին ծրագրի հավանական միտումների, ակնկալվող վերջնարդյունքի և սովորողների բոլոր շերտերի ընդգրկմամբ նախագծի իրականացման քայլաշարի մասին։
Համայնքապետը ողջունեց սովորողների նախաձեռնողականությունը, խոստացավ բոլոր հարցերում լինել հուսալի լծակ և աջակցող կողմ։
Համայնքին վերաբերող խնդիրների շուրջ քննարկումն ավարտվեց որևէ տարածքի մաքրության կազմակերպումը, իրականացումը և ապահովումը դպրոցի սովորողներին վստահելու առաջարկությամբ։
Դպրոցի տնօրենությունն ու սովորողները շնորհակալություն են հայտնում պրն. Առուշ Առուշանյանին՝ ընդունելության և հետաքրքիր հանդիպման համար։
Ի՛ ԳՈՐԾ…
