Սիրելի՛ համաքաղաքացիներ,
Ամեն օր մեր համայնքի կոմունալ ծառայությունների աշխատակիցները մեծ ջանքեր են գործադրում՝ մեր քաղաքի փողոցներն ու հանրային տարածքները մաքուր և բարեկարգ պահելու համար։ Նրանց աշխատանքի շնորհիվ մենք հնարավորություն ունենք վայելելու մաքուր միջավայր։
Ցավոք, հաճախ անտարբերության դրսևորումները ստվեր են գցում այս մեծ աշխատանքի վրա։ Փողոցում նետված աղբը ոչ միայն տգեղացնում է մեր քաղաքի տեսքը, այլև վկայում է անհարգալից վերաբերմունքի մասին մեր ընդհանուր տան՝ մեր քաղաքի նկատմամբ։
Հորդորում ենք բոլորիս լինել ավելի պատասխանատու և աղբը նետել բացառապես դրա համար նախատեսված աղբամանները, որոնք տեղադրված են քաղաքի տարբեր հատվածներում։
Հատկապես դիմում ենք սիրելի ծնողներին. ձեր անձնական օրինակով սովորեցրե՛ք երեխաներին հոգ տանել շրջակա միջավայրի մասին։
